Dibra tashmë një muaj pa të infektuar të rinj me Covid-19 - Bota Sot
Dibra tashmë një muaj pa të infektuar të rinj me Covid-19

Maqedonia

Dibra tashmë një muaj pa të infektuar të rinj me Covid-19

Më: 15 maj 2020 Në ora: 20:02
Foto ilustrim

Dibra e cila e cila ishte vatra e parë e coronavirusit në Maqedoni, në 30 ditët e fundit nuk ka të infektuar të rinj.

Numri i të infektuarve mbetet 51, prej tyre dy janë nga Qendër Zhupa, dy personat që u infektuan të parët. Nga numri i përgjithshëm i të diagnostifikuarve, 47 janë shëruar dhe vetëm katër persona humbën jetën.

“Të dhënat e sotme nga MSH vërtetojnë se tashmë një muaj nuk ka të infektuar të rinj me Covid-19. Kjo do të thotë se situata epidemiologjike është stabile, megjithatë ju bëjmë apel edhe më tej të respektojnë masat dhe rekomandimet e autoriteve, për shkak se disiplina është një nga elementet kryesorë që na çuan në tejkalimin e gjendjes së mëhershme”, thonë nga Shtabi Operativ Komunal.

Kur bëhet fjalë për respektimin e masave dhe rekomandimeve, dibranët me disa përjashtime të vogla, respektojnë në maksimum mbajtjen e maskave mbrojtëse.

Gjithashtu gjatë 24 orëve të fundit nuk është regjistruar shkelje të orës policore dhe as ndonjë prishje të rendit dhe qetësisë publike, vjedhje apo aksidente.

Shfaq komentet
comments powered by Disqus
Sot mund të lexoni Shfletoni kopertinat