Gjithsej 129 pacientë të infektuar me Covid-19 janë shtruar në spital në departamentet e sëmundjeve infektive në të gjithë vendin, pesë prej të cilëve janë në respirator, thonë nga Ministria e Shëndetësisë së Maqedonisë së Veriut.
Sipas të dhënave, 8 pacientë të rinj janë pranuar në Klinikën e Shkupit për Sëmundje Infektive në 24 orët e kaluara, gjithsej 56 pacientë janë shtruar në spital. 32 pacientë janë me pamje të rëndë shëndetësore, ndërsa dy pacientë janë në ventilim mekanik.
6 pacientë të rinj u pranuan në spitalin “8 Shtatori”, ndërsa gjithsej 16 pacientë janë shtruar në spital. Në respiratorë janë 5 pacientë, ndërsa 6 pacientë janë me pamje klinike më të rëndë.
Tetë pacientë janë shtruar në spital në Manastir, dhe 3 pacientë të tjerë po mjekohen në shtëpi. Pesë pacientë u shtruan në spital në Shtip, nuk ka asnjë pacient që po mjekohet në shtëpi. Në repartet infektive në Tetovë, Veles, Kumanovë, Prilep dhe Ohër, janë shtruar në spital 44 pacientë, të cilët janë pozitiv ose dyshohen se janë të infektuar me Covid-19.
