Sulejman Rexhepi uron besimtarët myslimanë: Ju lutem tregoni kujdes për shëndetin tuaj - Bota Sot
Sulejman Rexhepi uron besimtarët myslimanë: Ju lutem tregoni kujdes për shëndetin tuaj

Maqedonia

Sulejman Rexhepi uron besimtarët myslimanë: Ju lutem tregoni kujdes për shëndetin tuaj

Më: 23 maj 2020 Në ora: 12:59
Sulejman Rexhepi

Kreu i Bashkësisë Fetare Islame, reisi Sulejman Rexhepi ka uruar besimtarët myslimanë për festën e Fitër Bajramit. Në urimin e tij, ai ka ftuar besimtarët të kenë kujdes për shëndetin e tyre deri në shfuqizimin e masave për shkak të pandemisë së virusit korona.

“Ju lutem tregoni kujdes për shëndetin e juaj deri në eliminimin e tërësishëm të masave dhe që po i imponon pandemia fatkeqe e cila e ka përfshirë tërë globin, sepse mbrojtja e shëndetit është një obligim i rëndësishëm”, tha Rexhepi.

Reisi i ka falënderuar besimtarët, pasi sipas tij të njëjtit kanë disiplinë pas hapjes së xhamive.

“Dua të ju falënderoj për respektimin e masave dhe për disiplinën dhe respektin me të cilin dëshmuat botëkuptimet e juaja civilizuese pas hapjes së xhamive”, tha Rexhepi.

Në urimin e tij, Rexhepi gjithashtu vlerësoi se Ramazani që kaloi, edhe pse ishte në pandemi, i ka bërë më të fortë besimtarët myslimanë.

“Ne po dalim nga një Ramazan që sivjet ishte pak më ndryshe nga vitet e kaluara, por vetëm nga forma e jashtme e tij. Brendia e muajit të bekuar përkundër pandemisë që i imponoi masat e shumta ishte e pandryshuar sikur në 15 shekujt e kaluar të Islamit në historinë e vet. Në fakt, jam i bindur që Ramazani që na përcjelli na bëri më të fortë. Rreziku që na sillej vërdallë, ndikoi të mbështetemi edhe më shumë”, tha Rexhepi.

Shfaq komentet
comments powered by Disqus
Sot mund të lexoni Shfletoni kopertinat