Atmosfera nëpër kafene të Shkupit – valle mbi tavolina, pa maska dhe pa distancë fizike

Maqedonia

Atmosfera nëpër kafene të Shkupit – valle mbi tavolina, pa maska dhe pa distancë fizike

Më: 29 maj 2020 Në ora: 12:56
Foto Ilustrim

Muzik live, duke kënduar mbi tavolina, pa distancë fizike dhe muzikantë pa maska – kjo është atmosfera nëpër disa kafene të Shkupit, në ditën e parë të hapjes së tyre.

Nga fotografitë që janë postuar në rrjetet sociale, mund të shihet se të pranishmit nuk u janë përmbajtur masave mbrojtëse dhe e kanë harruar coronavirusin, duke e shijuar ditën e parë të hapjes së kafeneve.

Deri tani autoritetet kanë dorëzuar kallëzime penale për mosrespektimin e rekomandimeve, ndërsa për këto raste akoma nuk kanë reaguar.

“A1on” ka tentuar të marrë përgjigje nga drejtori i Inspektoratit Shtetëror të Tregut, nëse të njëjtit kanë intervenuar në rastet të këtilla, por përgjigje nuk ka.

Më herët kryetarja e Këshillit të Inspektorëve Magdalena Filipovska-Grashkoska, njoftoi se nuk do të ketë dënime për mysafirët dhe kafenetë që nuk i respektojnë masat, por fillimisht do të edukohen nga inspektorët.

Dënimet do të fillojnë pas 10 ditëve edukim nga inspektorët.

commentFirst article
Sot mund të lexoni Shfletoni kopertinat