Aleanca për Shqiptarët: Mbështetja financiare për bizneset të përdoret për qëllime saktë të përcaktuara

Maqedonia

Aleanca për Shqiptarët: Mbështetja financiare për bizneset të përdoret për qëllime saktë të përcaktuara

Më: 30 maj 2020 Në ora: 16:17
Aleanca për Shqiptarët

Kryetarja e Departamentit Ekonomik pranë Aleancës për Shqiptarët, Ilire Dauti në konferencë për shtyp tha se “qeveria po harxhon energjinë më tepër për interpretim se sa në përmbajtjen e masave dhe ndihmën që mund t’ju ofrojnë qytetarëve dhe bizneseve”.

“Në këtë drejtim jo vetëm që numri i ndërmarrjeve që fituan të drejtën për mbështetje financiare për pagesë të rrogës në vlerë prej 14 500 denarë ishte vetëm 24% nga numri i përgjithshëm i ndërmarrjeve mikro të vogla dhe të mesme sa ka në vendin tonë, por edhe ata që e fituan mbështetjen, të njëjtën nuk mund ta shfrytëzojnë për qëllimin e destinuar. Kjo për shkak se parat për mbështetje financiare shumë subjekteve afariste iu lëshuan në xhirollogari të cilat nuk i kishin përdorur për kohë të gjatë, me ç'rast iu ishte akumuluar borxh në emër të provizionit bankar. Nga kjo pakujdesi e transferit të mjeteve, sidomos u dëmtuan shumë biznese familjare që në vend që me ato para të bënin pagesën e rrogave ata përfunduan për shlyerje të provizionit bankar”, thotë Iliride Dauti.

Sigurisht që parimi i likuditetit, sipas saj, duhet të respektohet, por në këtë kohë kur shumë biznese familjare rrezikojnë ndërprerjen e aktivitetit afarist mendojmë që duhet pasur tolerancë dhe mirëkuptim.

“Duke pasur për bazë pakujdesit e tilla, nga Aleanca për Shqiptarët bëjmë thirrje që tani në prag të aplikimit për të njëjtën masë për muajin maj, e që tani në fillim të qershorit pritet të jenë edhe aplikimet, qeveria të bëj kujdes në detaje të cilat për pasojë kanë largimin e punëtorëve nga puna apo edhe vet mbylljen e shumë bizneseve familjare. Konkretisht kërkojmë që në formularët e aplikimit ndërmarrjet të kenë mundësi të zgjedhin vet se në cilën xhirollogari të tyre t’u transferohen mjetet financiare nga masat e qeverisë”, thotë Dauti.

Në fund ajo tha se partia e saj ka reaguar për aplikimet për muajin prill që të shtyhet afati i aplikimit të ndërmarrjeve dhe DHP pranoi në heshtje këtë propozim.

“I bëjmë thirrje që edhe kësaj here kërkesën tonë ta merr parasysh, me qëllim që mbështetja për bizneset megjithëse jo e mjaftueshme të mund të shfrytëzohet për qëllimet saktë të përcaktuara”, tha mes tjerash Dauti nga ASH.

commentFirst article
Sot mund të lexoni Shfletoni kopertinat