Bojan Jovanovski i akuzuar në rastin “Reket” është shpallur fajtor dhe dënuar me 9 vjet burg, ndërsa ish-shefja e Prokurorisë Speciale, Katica Janeva me 7 vjet.
Bojan Jovanovski, vendimin e gjykatës e cilësoi si vendim tendencioz dhe politik.
“E di sa do të ma zgjasni paraburgimin, sepse për këtë keni urdhër”, u shpreh Boki 13.
Ish-shefja e prokurorisë Speciale, Katica Janeva nuk ishte prezent në seancën e sotme të rastit “Reket”, për të dëgjuar aktgjykimin.
Lëndën gjyqësore kundër Jovanovskit dhe Janevës e udhëhoqi gjykatësja Vaska Nikollovska-Masevska, ndërsa përfaqësues i akuzës ishte prokurorja Villma Ruskoska.