Kreu i BDI ka dalë zyrtarisht me idenë e një Kryeministri shqiptar në Maqedoninë e Veriut, që pritet të zhvillojë zgjedhjet në 15 Korrik. I pyetur në studion e “Opinion” se sa e mundshme është kjo ide, Ahmeti tha:
“Ideja për një kryeministër shqiptar është hedhur para 11 vitesh, në 2009”.
Fevziu: A munden shqiptarët të marrin Kryeministrin e Maqedonisë?
Ahmeti: Po ju sjell shembullin e fundit, ne bëmë Zaevin kryeministër me votat e shqiptarëve.
Fevziu: Por nuk do bëhej kurrë një kryeministër shqiptar me votat e Zaevit.
Ahmeti: Nëse nuk e bën Zaev e bën dikush tjetër. Me rëndësi është që në Maqedoninë e Veriut të hiqen paragjykimet se shqiptarët nuk mund të drejtojnë dikastere të rëndësishme.
Fevziu: Ju personalisht besoni që mund të ketë një kryeministër shqiptar?
Ahmeti: Jo që besoj, por do të bëhet.
Fevziu: Si do behet?
Ahmeti: Do bëhet sepse edhe do ndërgjegjësohen partitë maqedone që dalzotës për atë shtet nuk janë vetëm ata , por jemi edhe na.
