Mosmbajtja e maskave, 20 mijë gjoba shqiptohen në Maqedoninë e Veriut

Maqedonia

Mosmbajtja e maskave, 20 mijë gjoba shqiptohen në Maqedoninë e Veriut

Më: 26 qershor 2020 Në ora: 23:46
Foto ilustrim

Numri i rasteve të reja të infektuara nuk i bën qytetarët të vetëdijshëm për mbajtjen e maskës. Për rreth dy muaj prej kur maska u bë e detyrueshme në vende të mbyllura dhe publike ku nuk ka distancë, policia ka shqiptuar mbi 22.000 gjoba për mosrespektimin e kësaj mase të detyrueshme.

Vetëm në 24 orët e kaluara, policia ka gjobitur 672 persona që nuk mbanin maska.

“Nëse një person lëviz vetëm në ambient të hapur, atëherë nuk ka nevojë të mbajë maskë mbrojtëse. Maska mbrojtëse duhet të mbahet nëse jemi brenda hapësirave të mbyllura, por edhe jashtë nëse nuk kemi distancë sociale, do të thotë nëse nuk ka distancë prej dy metrash- deklaroi Toni Angellovski, zëdhënës i Ministrisë së Brendshme.

Përveç jashtë, ju mund të mos mbani maskë edhe nëse jeni në oborrin tuaj, ose përpara ndërtesës, në makinë, por vetëm me ata me të cilët jetoni. Maska nuk është e detyrueshme edhe nëse merreni me sport.

commentFirst article
Sot mund të lexoni Shfletoni kopertinat