Filipçe: Nëse ka nevojë për ndonjë masë kufizuese, do ta rekomandojmë - Bota Sot
Filipçe: Nëse ka nevojë për ndonjë masë kufizuese, do ta rekomandojmë

Maqedonia

Filipçe: Nëse ka nevojë për ndonjë masë kufizuese, do ta rekomandojmë

Më: 1 korrik 2020 Në ora: 13:57
Venko Filipqe

Ministri i Shëndetësisë Venko Filipçe, sot deklaroi se këto ditë do të bisedojë me përfaqësues të autoriteteve shëndetësore të Kosovës dhe Serbisë për gjendjen me coronavirusin dhe rrezikun potencial për Maqedoninë e Veriut.

I pyetur për rritjen e numrit të të infektuarve me COVID-19 në Kosovë dhe Serbi dhe a bisedohet në Qeveri për mbylljen eventuale të kufijve, Filipçe tha se deri tani një gjë e tillë nuk është diskutuar,.

“Për momentin jo, pasi numrat e deritanishëm zyrtar nuk tregojnë numër të madh, edhe pse kishim informacione se diçka jozyrtarisht ndodh. Do të bisedojmë ditëve të ardhshme me përfaqësues të autoriteteve shëndetësore për të parë si është situata dhe cilët janë rreziqet potenciale për vendin tonë”.

“Por, nëse në ndonjë moment vendosim se është e nevojshme ndonjë masë kufizuese, mbyllja e kufijve ose kufizimi i lëvizjeve, sigurisht do ta rekomandojmë”, tha Filipçe, pas takimit të sotëm me përfaqësues të Shoqatave për sëmundje të rralla.

I pyetur nëse politikanët janë mjaftueshëm të mbrojtur gjatë fushatës zgjedhore, ai tha se parimet janë të qarta dhe vlejnë për të gjithë./

Shfaq komentet
comments powered by Disqus
Sot mund të lexoni Shfletoni kopertinat