Çulev: Zero tolerancë për parregullsi zgjedhore - Bota Sot
Çulev: Zero tolerancë për parregullsi zgjedhore

Maqedonia

Çulev: Zero tolerancë për parregullsi zgjedhore

Më: 7 korrik 2020 Në ora: 18:21
Pamje nga vendi i ngjarjes

Sot Ministri i Brendshëm, Naqe Çulev, realizoi një vizitë pune në Departamentin e Policisë në Komunën e Jeugunocit, që është pjesë e Stacionit Policor të Tetovës, njoftojnë nga Ministria e Brendshme.

Në deklaratë thuhet se gjatë vizitës së tij të punës, Ministri Çulev u takua me udhëheqjen e departamentit të policisë.

Udhëheqësia e informoi Ministrin Çulev se policët po marrin masa për të kontrolluar personat që janë në vetizolim për shkak të pandemisë nga Covid-19.

“Ata theksuan se komuna e Jegunocit është një zonë me një shkallë të lartë sigurie, që do të thotë një shkallë e ulët e krimit dhe një numër i vogël i veprave penale në fushën e rendit dhe qetësisë publike. Departamenti i Policisë së Jegunocit operon në ambiente të reja të ndërtuara nga Ministria e Brendshme, por investimi në burime materiale dhe teknike dhe potencialin e personelit duhet të jetë përparësi në periudhën e ardhshme”, thuhet në deklaratën e MPB-së.

Çulev u bëri thirrje policëve që të veprojnë në përputhje me ligjin dhe të kontribuojnë në organizimin e zgjedhjeve të ndershme dhe demokratike. Sipas tij, angazhimi strategjik i Ministrisë së Brendshme është të sigurojë nivelin më të lartë të sigurisë në këto zgjedhje.

Shfaq komentet
comments powered by Disqus
Sot mund të lexoni Shfletoni kopertinat