Dibra sot nuk ka të infektuar të rinj me coronaviurs

Maqedonia

Dibra sot nuk ka të infektuar të rinj me coronaviurs

Më: 10 shtator 2020 Në ora: 20:46
Foto ilustrim

Gjatë 24 orëve të fundit në Dibër nuk ka të infektuar të rinj me coronavirus dhe po ashtu nuk ka as të shëruar. Momentalisht në Dibër ka 31 raste aktive.

Siç vërtetojnë nga Qendra për Shëndet Publik, po priten rezultate nga teste tashmë të kryere dhe po ashtu vazhdojnë të paraqiten pacientë me simptoma të coronavirusit në spitalin e Dibrës.

“Edhe pse nuk ka të infektuar të rinj nuk është kohë për relaks. Duhet të jemi të vëmendshëm, për shkak se tani nuk dihet kush është i infektuar nga rastet asimptomatike. Ju bëj thirrje që të respektohen masat dhe protokollet”, thotë Mentor Mela.

Në këtë rrethinë këtë muaj janë regjistruar 14 raste. Po ashtu gjatë kësa periudhe janë shëruar 58 pacientë, ndërsa 2 të tjerë kanë humbur jetën.

Që nga fillimi i epidemisë nga 1.350 testime, 264 pacientë kanë rezultuar pozitiv, ndërsa prej tyre 219 janë shëruar, 14 kanë humbur jetën dhe 31 pacientë mbeten raste aktive.

commentFirst article
Sot mund të lexoni Shfletoni kopertinat