Maqedoni, rriten çmimet e shitjes së prodhuesve të produkteve industriale

Maqedonia

Maqedoni, rriten çmimet e shitjes së prodhuesve të produkteve industriale

Më: 9 tetor 2020 Në ora: 15:42
Foto Ilustrim

Çmimet e shitjes së prodhuesve të produkteve industriale në gusht të këtij viti janë më të larta për 1.6 për qind në bazë mujore, ndërsa për 0.1 për qind në bazë vjetore.

Sipas Entit shtetëror të Statistikave, në gusht të vitit 2020, krahasuar me korrikun e vitit 2020, çmimet e shitjes së prodhuesve të produkteve industriale, në total, ishin më të larta në sektorin e minierave dhe guroreve për 14.9 për qind, në sektorin e prodhimit për 0.4 dhe në sektorin e furnizimit me energji elektrike, gaz, avull dhe klimatizim me 7.1 për qind.

Në gusht të vitit 2020, krahasuar me gushtin e vitit 2019, çmimet totale të prodhuesve të produkteve industriale ishin më të larta në sektorin e minierave dhe guroreve për 3 për qind dhe në sektorin e furnizimit me energji elektrike, gaz, avull dhe klimatizim për 4.3 për qind, ndërsa në sektorin e Industrisë prodhuese ishin më të ulëta për 0.3 për qind.

commentFirst article
Sot mund të lexoni Shfletoni kopertinat