Qeveria: Përfundoi qëndrimi në Maqedoninë e Veriut edhe për 43 emigrantë nga Afganistani

Maqedonia

Qeveria: Përfundoi qëndrimi në Maqedoninë e Veriut edhe për 43 emigrantë nga Afganistani

Më: 30 nëntor 2021 Në ora: 16:54
Foto ilustrim

Qeveria e Maqedonisë së Veriut njofton se një grup prej 43 shtetas të Afganistanit dolën nga Maqedonia e Veriut për shkak se për ata u përgatit dokumentacioni i nevojshëm për hyrje në vend të tretë.

Ata shtojnë se institucionet e vendit gjatë gjithë qëndrimit të tyre u mundësuan përkrahjen e nevojshme, ndërsa shpenzimet janë mbuluar nga organizatat ndërkombëtare.

“Këto civil u shpëtuan në operacionin e madh ndërkombëtar për ndihmën e punonjësve në misionet humanitare, demokratike, paqësore dhe ndërkombëtare, aktivistë të organizatave të të drejtave të njeriut, përkthyes, studentë dhe bursistë si dhe familjet e tyre dhe ishin në rrezik nga regjimi i ri taliban në Afganistan”, thuhet në njoftimin e Qeverisë së Maqedonisë së Veriut.

Në fund thuhet se në vend qëndrojnë 505 shtetas nga Afganistani, ndërsa nga Maqedonia e Veriut deri tani kanë dalë 128 persona të cilët kanë siguruar vendbanim në Francë, Greqi, Irlandë, Portugali, Brazil dhe SHBA.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat