Mickoski: Zaev mund të nënshkruaj edhe një marrëveshje të re me Bullgarinë

Maqedonia

Mickoski: Zaev mund të nënshkruaj edhe një marrëveshje të re me Bullgarinë

Më: 3 dhjetor 2021 Në ora: 16:44
Mickoski

Lideri i OBRM-PDUKM-së opozitare ka shprehur shqetësim se kryeministri në largim, Zoran Zaev mundet që në ditët e fundit të mandatit të tij të nënshkruaj një marrëveshje të re me Bullgarinë, me të cilën siç u shpreh Mickoski, pjesërisht ose plotësisht do ta pranoj Rezolutën e votuar në parlamentin bullgar në vitin 2019.

“Kjo paraqet asimilim të plotë të popullit maqedonas dhe sulm direkt ndaj identitetit të popullit maqedonas.

Meqenëse është në ikje jam i shqetësuar se mund të bëjë këtë hap, ndërsa pasojat do t’i paguajmë të gjithë ne”, tha Mickoski.

Mickoski gjithashtu u shpreh i zhgënjyer me lëvizjen e kundërshtarit tonë politik, për caktimin e kongresit të partisë së LSDM-së për një ditë me atë të OBRM-PDUM-së.

“Jam i zhgënjyer me lëvizjen e kundërshtarit tonë politik, sepse është politikisht e pakulturuar të caktoni Kongresin tuaj në të njëjtën ditë kur e ka caktuar partia opozitare. Ne e kishim planifikuar datën muaj më parë”, tha Mickoski.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat