OBRM-PDUKM kërkon zgjedhje të shpejta pa qeveri teknike

Maqedonia

OBRM-PDUKM kërkon zgjedhje të shpejta pa qeveri teknike

Më: 18 janar 2022 Në ora: 11:07
Foto ilustrim

Partia opozitare maqedonase OBRM-PDUKM sërish kërkon zgjedhje të shpejta kuvendare, pa qeveri teknike.

Nga kjo parti thonë se pranojnë që zgjedhjet e ardhshme të mbahen me ndryshime në Kodin Zgjedhorë, respektivisht ato të mbahen me një njësi zgjedhore.

“Zgjedhje të shpejta pa qeveri teknike, për partitë e vogla ofertë për një njësi zgjedhore. PLD, RDM dhe DS të mos fshihen pas interesave kriminale, por ja një ofertë për një njësi. Këtu është një ofertë për të lënë qeverinë dhe për të pranuar zgjedhjet. E vetmja gjë e rëndësishme për vendin është dalja nga 4 krizat në të cilat e futën LSDM dhe BDI, ndërsa të njëjtit nuk janë zgjidhje për këto kriza”.

“Nëse qeveria teknike është pengesë për LSDM-në apo BDI-në, OBRM-PDUKM është e gatshme të flasë për ndryshime në Kodin Zgjedhor, por edhe për partitë më të vogla që si mosmarrëveshje me LSDM-në dhe BDI-në e kanë theksuar problemin e një njësie zgjedhore. OBRM-PDUKM është e gatshme të diskutojë për këto çështje, nëse garanton zgjedhje të parakohshme, të cilat do të jenë zgjidhje për problemet dhe krizat”, thuhet në reagimin e partisë opozitare maqedonase.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat