Shkrijel dhe Koçovska janë deputete të reja të LSDM-së në Kuvend

Maqedonia

Shkrijel dhe Koçovska janë deputete të reja të LSDM-së në Kuvend

Më: 25 janar 2022 Në ora: 15:14
Foto ilustrim

Komisioni Shtetëror Zgjedhor (KSHZ) në seancën e sotme vendosi që Sanela Shkrielj dhe Marija Koçovska të jenë deputetet e reja të LSDM-së në Kuvend.

Ata zëvendësojnë Slavjanka Petrovskën, e cila tani është ministre e Mbrojtjes dhe Bisera Kostadinovska Stojçevska, e cila është ministre e Kulturës.

Shkrielj ishte një zv. ministre e Punës dhe Politikës Sociale në qeverinë tranzitore përpara zgjedhjeve parlamentare të vitit 2020. Ajo hyn në Kuvend si e radhës, gjegjësisht e 14-ta në listën e LSDM-së në njësinë e dytë zgjedhore, të cilën në zgjedhjet e atëhershme e udhëhoqi Oliver Spasovski, në të njëjtën kohë ishte edhe shefe e kabinetit të ministres së Arsimit Mila Carovska, dhe më herët ka qenë shefe e kabinetit të saj në MPPS – pozitë nga e cila u bë zv. ministre e përkohshme në këtë dikaster, kur për ministre teknike nga OBRM-PDUKM u propozua Rashela Mizrahi, e cila më pas u shkarkua nga detyra.

Gruaja e radhës në listë nga njësia e pestë zgjedhore është Marija Koçovska nga Demir Hisar, e cila do të hynte në Kuvend në vend të Kostadinovska-Stojçevska./

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat