Gjobiten 246 shoferë në Shkup, 65 për tejkalim të shpejtësisë

Maqedonia

Gjobiten 246 shoferë në Shkup, 65 për tejkalim të shpejtësisë

Më: 10 shkurt 2022 Në ora: 11:05
Foto ilustrim

MPB njofton se dje (09.02.2022) ka vazhduar me kontrollet e intensifikuara të kontrolleve në fushën e komunikacionit.

Në territorin e qytetit të Shkupit janë shqiptuar gjithsej 246 masa, nga të cilat 65 gjoba për tejkalim të shpejtësisë, 71 gjoba për mosdhënie përparësi ndaj këmbësorëve, 17 gjoba për drejtim automjetit pa patentë shofer.

Nëntë masa janë shqiptuar për përdorim të celularit, pesë gjoba për automjete të paregjistruara, gjashtë për drejtim të automjetit nën efektin e alkoolit, katër për kalim në semafor me sinjal të kuq, 61 për parkim të parregullt.

MPB u bën thirrje qytetarëve që të respektojnë rregullat dhe rregulloret e komunikacionit për të rritur sigurinë në komunikacion dhe së bashku të kontribuojmë për rrugë më të sigurta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat