Kuvendi i Maqedonisë së Veriut nesër do të vazhdojë me punë pas seancës së 50-të

Maqedonia

Kuvendi i Maqedonisë së Veriut nesër do të vazhdojë me punë pas seancës së 50-të

Më: 9 mars 2022 Në ora: 20:38
Foto ilustrim

Deputetët sot pasdite debatuan për pikat e seancës së 50-të, me të cilën përfundoi debati për propozim-ligjin për plotësimin e Ligjit për transport në komunikacionin rrugor, në procedurë të shkurtuar, për të cilin do të votohet në seancë tjetër. Deputetët e filluan edhe debatin për propozimin për llogarinë përfundimtare të Buxhetit të Republikës së Maqedonisë së Veriut për vitin 2020.

Me plotësimet e ligjit vendoset mundësia që në situata të jashtëzakonshme të parashikohet mënyra për vazhdimin e procesit të dhënies së provimeve për pjesëmarrje të shoferëve në komunikacionin rrugor ndërkombëtar, provimeve për shoferë për transport të mallrave të rrezikshme, provimeve për drejtuesit e automjeteve dhe personave të autorizuar për transport etj. Përjashtimisht, në rast kur i vetmi sistem elektronik për dhënien e provimeve nuk funksionon si pasojë e ngjarjeve të paparashikuara dhe për shkak të urgjencës ekstreme për të shmangur vonesën në kryerjen e vazhdueshme të transportit të udhëtarëve dhe mallrave në trafikun rrugor ndërkombëtar. propozohet që provimet të zhvillohen në formë letre, pra me shkrim në Ministrinë e Transportit dhe Lidhjeve.

Gjatë debatit, deputetët e OBRM-PDUKM theksuan se pamundësia e provimeve për vozitës profesionistë që nuk zhvillohen elektronikisht që nga prilli i vitit 2021, është rezultat i keqmenaxhimit nga ana e Ministrisë së Transportit dhe Lidhjeve dhe për shkak se rasti gjyqësor për softuerin e përdorur për provime nuk ka përfunduar akoma, të cilin e ka bërë ish-sekretari i përgjithshëm i qeverisë Dragi Rashkovski për 400 mijë euro, që siç thanë është shembull i vjedhjes dhe krimit të organizuar.

Ata theksuan gjithashtu se ligji është miratuar me vonesë sepse në shtator ka përfunduar debati në komisionin kryesor parlamentar, ndërsa ndryshimet bëhen pas gjashtë muajsh.

Zëvendësministri i Transportit dhe Lidhjeve Bekim Rexhepi është përgjigjur se nuk ka më problem mbajtjen e provimeve për vozitës profesionistë në mënyrë elektronike, ndërsa se me ndryshimin e ligjit parashihet vetëm në rast të pengesave objektive që provimet të zhvillohen me shkrim.

Debati për këtë pikë nga seanca e 50-të vazhdon nesër. Në rend dite të mbledhjes janë edhe ndryshimet dhe plotësimet e ligjeve për lëndë të para minerale, për inspektoratin shtetëror të tregut, për ndërmarrje publike, për bujqësi dhe zhvillim rural. Deputetët do të debatojnë edhe për raportin vjetor për punën e Agjencisë për Mbikëqyrje të Financimit Kapital Pensional në vitin 2020, raportet financiare të Agjencisë për Mbikëqyrje të Sigurimit Kapital Pensional në vitin 2020, raporti vjetor për punën e agjencisë për Mbikëqyrje të Sigurimeve për vitin 2020, raportet financiare të Agjencisë për Mbikëqyrje të Sigurimeve për vitin 2020 dhe raportin vjetor për situatën dhe lëvizjes së tregut të sigurimeve në vitin 2020.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat