Petrovska: Nuk ka vend për politikë në mbrojtje dhe në ushtri, të gjithë jemi pas një flamuri

Maqedonia

Petrovska: Nuk ka vend për politikë në mbrojtje dhe në ushtri, të gjithë jemi pas një flamuri

Më: 9 maj 2022 Në ora: 19:32
Sllavjanka Petrovska

Ministrja e Mbrojtjes Sllavjanka Petrovska kërkoi nga gjeneralët e mëparshëm dhe aktivë që të përfshihen në procesin e transformimit të sistemit të mbrojtjes, i cili vazhdon edhe pas anëtarësimit në NATO, për të forcuar kapacitetet dhe gatishmërinë.

“Në mbrojtje dhe në ushtri nuk ka vend për politikë, sepse të gjithë qëndrojmë pas një flamuri. U zotova që ish-shefat e Shtabit dhe anëtarët e Klubit të Gjeneralëve të përfshiheshin aktivisht në programet e reja të studimit të Akademisë Ushtarake dhe natyrisht në të gjitha format e trajnimit komandues dhe edukimit të doktrinës.

Qëllimi i përbashkët është të vazhdojë procesi i transformimit pas anëtarësimit në NATO përmes konsultimeve të gjera, dhe ta bëjë atë të përkushtuar dhe transparent.

Të angazhohen kapacitetet e gjithë shoqërisë, sepse kemi një qëllim të përbashkët dhe një vizion të përbashkët për të gjithë ne, e ai është Republika e Maqedonisë së Veriut të jetë aleate e respektuar dhe e vlerësuar, shtyllë e sigurisë rajonale”, tha Petrovska.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat