OBRM-PDUKM kërkon dorëheqjen e Talat Xhaferit

Maqedonia

OBRM-PDUKM kërkon dorëheqjen e Talat Xhaferit

Më: 14 maj 2022 Në ora: 12:47
Talat Xhaferi

Partia opozitare maqedonase OBRM-PDUKM kërkon dorëheqjen e kryetarit të Kuvendit Talat Xhaferi, pas publikimit të një audio-incizimi, në të cilin dëgjohej ky i fundit duke i ofenduar punonjësit në Kuvend.

Nga OBRM-PDUKM, thonë që “institucionet në vend nuk duhet heshtu për primitivizmin e Talat Xhaferit, pasi ai primitivizëm është dhunë ndaj punëtorëve, keqpërdorim i pozitës, shkelje e të drejtave të njeriut”.

“Asnjë institucion në vend nuk duhet të heshtë për primitivizmin e Talat Xhaferit në Kuvendin e Maqedonisë! Primitivizmi i Xhaferit është dhunë ndaj punëtorëve, keqpërdorim i pozitës, shkelje e të drejtave të njeriut, primitivizmi i Xhaferit është në kundërshtim me të gjitha dokumentet për mbrojtjen e dinjitetit njerëzor. Xhaferi në mënyrë më mizore e shkeli dinjitetin e pozitës së kryeparlamentarit dhe në përgjithësi pozitën e deputetit të Kuvendit të Maqedonisë. Hapi i vetëm i ardhshëm në çdo shoqëri demokratike do të ishte dorëheqja e parevokueshme e Xhaferit dhe dorëheqja e tij nga Kuvendi i Maqedonisë! Gjithçka tjetër është një fundosje e re në fatkeqësi”, thonë nga OBRM-PDUKM.

Ata shtojnë se “kryeministri Kovaçevski me deklaratë e tij edhe një herë konfirmoi se është peng i krimeve të koalicionit BDI-LSDM”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat