Kuvendi i Maqedonisë sot mban seancë, në rend dite disa propozim-ligje

Maqedonia

Kuvendi i Maqedonisë sot mban seancë, në rend dite disa propozim-ligje

Më: 23 maj 2022 Në ora: 08:52
Kuvendi i Maqedonisë së Veriut

Kuvendi i Maqedonisë së Veriut sot do të mbajë vazhdimin e seancës së 71-të, ku në rend dite të së cilës janë Raportet vjetore për vitin 2021, puna e Këshillit Gjyqësor të Republikës së Maqedonisë së Veriut, Komisionit Shtetëror për Parandalimin e Korrupsionit, si dhe raporti vjetor i Avokatit të Popullit.

Para deputetëve në këtë seancë është edhe Propozimi për kandidat për nënkryetar të Kuvendit të Republikës së Maqedonisë së Veriut, por edhe interpelanca për punën e kryetares së Komisionit për sistem politik dhe marrëdhënie ndërmjet bashkësive, Sonja Mirakovska.

Në rend dite është edhe Projektligji për ndryshimin dhe plotësimin e Ligjit për tregtinë, me procedurë të shkurtuar, si dhe Projektligji për ndryshimin e Ligjit për mjedisin jetësor dhe Projektligji për ndryshimin dhe plotësimin e Ligjit për marrëdhëniet e punës.

Po ashtu në rend dite është Raporti vjetor për punën e Komisionit Shtetëror për Ankesa të Prokurimeve Publike për vitin 2021, Informata për regjistrimin e popullsisë, amvisërive dhe banesave në Republikën e Maqedonisë së Veriut – 2021, si dhe projektvendimet për dërgimin e pjesëtarit të Armatës së Republikës të Maqedonisë së Veriut për të marrë pjesë në operacionin ndërkombëtar të Bashkimit Evropian “ALTHEA” në Bosnje dhe Hercegovinë dhe për dërgimin e pjesëtarëve të Ushtrisë së Republikës së Maqedonisë së Veriut për të marrë pjesë në operacionin ndërkombëtar të Bashkimit Evropian “EUTM RCA” në Republika Afrikane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat