Shkup: Profesorët e universitetit “Shën Kirili dhe Metodi” paralajmërojnë grevë, kërkojnë paga më të larta

Maqedonia

Shkup: Profesorët e universitetit “Shën Kirili dhe Metodi” paralajmërojnë grevë, kërkojnë paga më të larta

Më: 26 maj 2022 Në ora: 19:28
Universiteti “Shën Kirili dhe Metodi”

Profesorët e Universitetit “Shën Kirili dhe Metodi” në Shkup kërkojnë paga më të larta.

Ata i janë drejtuar me një letër të hapur kryeministrit të vendit, Dimitar Kovaçevski, kryetarit të Kuvendit dhe ministrit të Financave.

Ata thonë se ka pakënaqësi të madhe për situatën aktuale, e cila sipas tyre “asnjëherë nuk ka qenë në nivel kaq të ulët”.

Në letrën e tyre, profesorët nga UKM potencojnë pagën mesatare, e cila në vend ka arritur më shumë se 31 mijë denarë, e krahasojnë me pagën e profesorit asistent në universitet, e cila kap shifrën prej rreth 30 mijë denarë, gjegjësisht nën mesataren.

“Kurrë në histori UKM nuk është degraduar dhe harruar. Prandaj, kërkojmë nënshkrimin e menjëhershëm të marrëveshjes kolektive me projeksionet e planifikuara katërvjeçare të rritjes së pagave në rebalancin e buxhetit”, thuhet në letrën e hapur të profesorëve nga UKM drejtuar autoriteteve.

Nëse kërkesat e tyre nuk plotësohen, pedagogët bëjnë të ditur se do të zhvillojnë protestë paqësore ose grevë në seancën e provimeve të qershorit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat