Eurodeputeti Illhan Kyuchyuk në ClickPlus në TV21 tha se në raportet e tij si përfaqësues në Parlamentin Evropian gjithmonë ka dhënë mbështetje që të hapen negociatat për anëtarësim të Maqedonisë së Veriut në BE.
“Si përfaqësues i Parlamentit Evropian, në raportin tim kam dalë gjithmonë me një mendim të konsoliduar se negociatat duhet të fillojnë sa më shpejt.
Kjo është një çështje sigurie për momentin, ne shohim se çfarë po ndodh në Ukrainë”.
“Në të njëjtën kohë, Komisioni Evropian gjithmonë ka mbështetur mendimin se Maqedonia është mjaft e avancuar dhe duhet të fillojë negociatat për të marrë dritën jeshile dhe për të mbajtur konferencën e parë ndërqeveritare”, tha mes tjerash Kyuchyuk.
