Sela: ASH është e gatshme për zgjedhje të parakohshme

Maqedonia

Sela: ASH është e gatshme për zgjedhje të parakohshme

Më: 23 qershor 2022 Në ora: 14:21
Ziadin Sela

Kreu i Aleancës për Shqiptarët, Ziadin Sela sot njoftoi se janë zgjedhur kryetarët e degëve të ASh-së në 18 komuna.

Sela tha se me reformat në parti janë të gatshëm për zgjedhje, që sipas tij duhet të jenë të parakohshme.

“Ne jemi të gatshëm. Jemi të gatshëm për të shkuar në zgjedhje kurdo që të shpallen ata, ndërsa qëndrimi jonë si Aleancë për Shqiptarët është që zgjedhjet duhet të jenë të parakohshme në mënyrë që të dalim nga të gjithë këto kriza që janë të përditshme qoftë në aspektin, politik, ekonomik e energjetik”, tha mes tjerash Sela.

Ai tha se nuk dëshiron ta komentojë propozimin francez për zgjedhjen e kontestit Shkup-Sofje, pasi sipas tij nuk ka dokument zyrtar. Sela shtoi se ASH do të mbështesë futjen e bullgarëve në Kushtetutë.

Ndërsa në lidhje me zgjedhjet për Këshillin e Komunës së Tetovës, Sela tha se ASH duhet të garojë e vetme.

“Sa i përket koalicioneve e këtyre gjërave, ato janë çështje që i përkasin organeve partiake, por ne mendojmë se Aleanca për Shqiptarët duhet të dale dhe të përballet vetë në këto zgjedhje lokale për Tetovën”, tha Sela.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat