LSDM: OBRM-PDUKM me vetëdije kanë shpërndarë lajme të rreme përmes të cilave kanë frikësuar qytetarët me asimilim dhe bullgarizim

Maqedonia

LSDM: OBRM-PDUKM me vetëdije kanë shpërndarë lajme të rreme përmes të cilave kanë frikësuar qytetarët me asimilim dhe bullgarizim

Më: 25 qershor 2022 Në ora: 09:41
Foto ilustrim

Pasi të gjitha gënjeshtrat e OBRM-PDUKM-së dhe Hristijan Mickoskit dështuan, gjëja e parë që duhet të bëjnë është t’i kërkojnë falje opinionit për futjen e frikës dhe pasigurisë, thuhet në kumtesën e LSDM-së.

“Atëherë OBRM-PDUKM duhet të kërkojë përgjegjësi nga Mickoski për minimin e pozitave shtetërore në mosmarrëveshjen me Bullgarinë, duke gënjyer se po shitej identiteti, gjuha dhe historia.

Mickoski dhe OBRM-PDUKM me vetëdije kanë shpërndarë të pavërteta, lajme të rrejshme përmes të cilave i frikësuan qytetarët në shtëpi me gjoja asimilim dhe bullgarizim, ndërsa jashtë minuan pozitat shtetërore.

Një qëndrim i tillë është i papërgjegjshëm në dëm të pozitave shtetërore dhe interesave kombëtare.

Është koha e fundit që Mickoski dhe OBRM-PDUKM të ndryshojnë dhe të qëndrojnë në anën e shtetit, qytetarëve, të mbështesin qëndrimet shtetërore në marrëdhëniet me Bullgarinë në vend që t’i minojnë ato.

Qeveria e udhëhequr nga LSDM-ja dhe kryeministri Dimitar Kovaçevski do të vazhdojnë të mbrojnë pozitat shtetërore dhe interesat kombëtare, pavarësisht se si do të veprojnë Mickoski dhe OBRM-PDUKM-ja”, thuhet në kumtesën e LSDM-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat