Mickoski deklarohet për propozimin francez, përmend edhe Edi Ramën

Maqedonia

Mickoski deklarohet për propozimin francez, përmend edhe Edi Ramën

Më: 30 qershor 2022 Në ora: 21:57
Hristijan Mickoski

Kryetari i OBRM-PDUKM-së, Hristijan Mickoski, propozimin e ri francez e ka quajtur “nokaut” për diplomacinë e Maqedonisë.

Ai ka theksuar se nëse ky propozim do të ishte i mirë për vendin, nuk do të pranohej menjëherë nga autoritetet e Sofjes.

Mickoski, ka parashtruar pyetjen se prej nga i ka informacionet kryeministri i Shqipërisë Edi Rama se propozimi i ri francez është i mirë, kur negociatat i ka zhvilluar Ministri i Jashtëm i Maqedonisë, Bujar Osmani, kurse për këtë nuk është konsultuar partia e tij.

“Nga e di Edi Rama këtë informacion?, është arsyeja e dytë, kurse e para është se përse qeveria bullgare në dorëheqje menjëherë e pranoi propozimin francez? OBRM-PDUKM asnjëherë nuk do të pranojë një marrëveshje të dëmshme”, tha Mickoski.

Kryetari i OBRM-PDUKM-së i bëri thirrje Qeverisë që propozimin e ri francez ta publikojë në ueb-faqen e Qeverisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat