Shteriava: Bankat janë të kujdesshme për rritjen e kamatës

Maqedonia

Shteriava: Bankat janë të kujdesshme për rritjen e kamatës

Më: 7 gusht 2022 Në ora: 11:25
Foto ilustrim

“Bankat e Maqedonisë janë të kujdesshme për rritjen e kamatës, duke pasur parasysh se rritja drastike dhe e shpejtë mund të ndikojë në aftësinë e shfrytëzuesve të kredisë për t’i kryer obligimet e tyre”, thotë kryetarja e Shoqatës së Bankave të Maqedonisë, Maja Stevkova-Shteriava.

Shteriava për Agjencionin Informativ të Maqedonisë deklaroi se çdo përdorues i kredisë apo depozitues bankar duhet t’i kushtojë vëmendje përcaktimeve në kontratë për të shmangur keqkuptimet apo panikun e panevojshëm për normat e interesit.

“Normat fikse të interesit sipas definicionit nuk ndryshojnë për periudhën derisa janë fikse dhe në atë rast nuk ka nevojë për shqetësim. Por është shumë e rëndësishme të kemi kujdes dhe të shohim dispozitat në kontrata”, thekson Stevkova-Shterieva.

Stevkova-Shterieva thekson se sistemi bankar është stabil dhe i mirëkapitalizuar, ndërsa kapitali dhe rezervat janë treguar të mjaftueshme që bankat të përballen me sfidat aktuale.

Shumica e bankave operojnë me fitim me rritje solide të fitimit të arritur në gjysmën e parë të vitit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat