Gjashtë zjarre në 24 orët e fundit në Kumanovë

Maqedonia

Gjashtë zjarre në 24 orët e fundit në Kumanovë

Më: 10 gusht 2022 Në ora: 12:01
Foto ilustrim

Gjithsej gjashtë zjarre kanë shpërthyer në 24 orët e fundit në zonën e Kumanovës, njoftoi sot Qendra rajonale për menaxhim me kriza. Është djegur një brez mbrojtës, pyje akacieje dhe bar i thatë, si dhe kulmi i një objekti banimi.

Zjarrfikësit dje kanë shuar barin në afërsi të një pompe karburanti në mes të fshatrave Tabanoc dhe Kosturnik, ku digjej bar i thatë dhe brezi pyjor mbrojtës i akacieve, në periudhën nga ora 12:30 deri në ora 16:45 në një sipërfaqe prej rreth 50 hektarësh. Zjarrfikësit e kanë shuar me dy automjete dhe gjashtë zjarrfikës.

Pothuajse në të njëjtën periudhë, në afërsi të fshatit Kosturnik, afër pikës kufitare, zjarrfikësit kanë ndërhyrë në djegien e barit të thatë nga ora 16:20 deri në 17:50. Nga ora 19:50 deri në 20:27 është djegur edhe bari i thatë edhe në lagjen Bedinje.

“Ndërhyrja në rrugën “Mosha Pijade” në një konstruksion çatie të djegur të një objekti banimi në periudhën nga ora 20:45 deri në 21:30, ku kanë marrë pjesë me një mjet zjarrfikës edhe pesë zjarrfikës. Nuk dihen shkaqet e shpërthimit të zjarrit dhe dëmet materiale”, njoftojnë nga QRMK Kumanovë.

Zjarre ka pasur në fshatrat Zebrnjak dhe Reçicë ku është prekur bari i thatë në orët e natës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat