Prokuroria ka hapur procedurë hetimore për foshnjën e rrëmbyer në Shkup

Maqedonia

Prokuroria ka hapur procedurë hetimore për foshnjën e rrëmbyer në Shkup

Më: 17 gusht 2022 Në ora: 16:06
Foto ilustrim

Prokurori publik nga Prokuroria Themelore Publike Shkup ka lëshuar urdhër për zhvillimin e procedurës hetimore kundër 28-vjeçares nga Shkupi, e dyshuar për veprën penale “kidnapim”.

“Më 16 gusht, në bodrumin e Qendrës Tregtare të Qytetit – Shkup, e dyshuara ka rrëmbyer një të porsalindur shtatë ditësh.

E dyshuara u ka ofruar ndihmën prindërve të foshnjës për të shkuar në Poliklinikën e Bit Pazarit. Në “City Mall” i kanë kërkuar të dyshuarës që ta mbajë foshnjën derisa të blinin ushqime, pas së cilës ajo është larguar me të. Ajo ka shkuar me taksi për në Gjorçe Petrov, e më pas në shtëpinë e saj, ku policët kanë arritur ta gjejnë dhe ta marrin me vete.

Me veprime të tilla, e dyshuara ka penguar prindërit të qëndrojnë me të porsalindurin e tyre për më shumë se katër orë, dhe ka shkaktuar rrezik për rrezikimin e shëndetit të foshnjës.

Prokurori publik kompetent i ka dorëzuar gjyqtarit të procedurës paraprake të Gjykatës Themelore Penale Shkup propozim për caktimin e masës së paraburgimit ndaj të dyshuares, për shkak se ekzistojnë rrethana për arratisje, si dhe frikë se ajo do të gjykohet për të fshehur gjurmët e krimit dhe për të penguar hetimin e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat