Sanksionohen 346 shoferë në Maqedoni, pasi tejkaluan shpejtësinë e lejuar

Maqedonia

Sanksionohen 346 shoferë në Maqedoni, pasi tejkaluan shpejtësinë e lejuar

Më: 18 shtator 2022 Në ora: 12:33
Foto ilustrim

Ministria e Punëve të Brendshme ka kryer dje një kontroll të përforcuar në territorin e shtetit për sanksionimin e automjeteve që lëvizin me shpejtësi më të madhe se shpejtësia e lejuar, ku janë sanksionuar 346 drejtues mjetesh.

Prej tyre, 19 automjete kanë lëvizur me shpejtësi mbi 50 kilometra në orë më shumë se shpejtësia e lejuar, dhe një mjet ka lëvizur me shpejtësi edhe më shumë se 70 kilometra në orë më shumë se shpejtësia e lejuar. Në të njëjtën kohë, 160 drejtues mjetesh kanë tejkaluar shpejtësinë në qytet dhe 186 jashtë qytetit.

Aksionet e intensifikuara të kontrolleve vazhdojnë edhe në ditët në vijim.

“U bëjmë thirrje të gjithë përdoruesve të rrugës që të respektojnë rregullat dhe rregulloret e komunikacionit dhe bashkërisht të kontribuojmë për rrugë më të sigurta”, thuhet nga MPB.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat