Babai dyshohet për vrasjen e foshnjës tre muajshe në Shkup, e ka goditur me duar dhe këmbë

Maqedonia

Babai dyshohet për vrasjen e foshnjës tre muajshe në Shkup, e ka goditur me duar dhe këmbë

Më: 27 shtator 2022 Në ora: 12:34
Foto ilustrim

Prokuroria Themelore Publike në Shkup ka sjellë Urdhër për procedurë hetimore kundër një personi 44-vjeçar, i cili gjatë dhunës familjare, e ka privuar nga jeta foshnjën e tij tre muajshe.

Nga PTHP thonë se natën në mes 25-26 shtatorit, derisa i dyshuari ka qenë në shtëpi me katër fëmijët e tij të mitur, në mesin e të cilëve edhe djali tre muajsh, këtë të fundit ka filluar ta godasë me duar dhe këmbë në trup dhe kokë.

“Në këtë mënyrë ai i ka shkaktuar disa lëndimet, të cilat më pas i kanë shkaktuar gjakderdhje dhe si rezultat foshnja ka ndërruar jetë”.

“Pasi ekzistojnë rrethana që tregojnë se i dyshuari mund të arratiset, mund të ndikojë mbi dëshmitarët, ose ta përsërisë veprën penale, prokurori kompetent ka dorëzuar propozim për masën e paraburgimit”, thonë nga PTHP.

Deri tani nuk dihen arsyet e kësaj ngjarje, ndërsa pritet që autoritetet të japin detaje tjera.

commentFirst article
Sot mund të lexoni Shfletoni kopertinat