Profesorët kërkojnë paga më të larta, Qeveria e Maqedonisë thotë se duhet pasur parasysh kriza aktuale

Maqedonia

Profesorët kërkojnë paga më të larta, Qeveria e Maqedonisë thotë se duhet pasur parasysh kriza aktuale

Më: 4 tetor 2022 Në ora: 21:51
Ilustrim

Sindikata e Universitetit “Shën Kirili dhe Metodi” kërkoi nga Qeveria e Maqedonisë rritjen e pagave me 25% për punonjësit.

Ata sot në Qeveri kanë zhvilluar një takim me kryeministrin Dimitar Kovaçevski, zëvendëskryeministrin Fatmir Bytyqi dhe ministrin e Arsimit dhe Shkencës Jeton Shaqiri.

Qeveria përmes një komunikate për media ka thënë se duhet vlerësuar puna e profesorëve dhe se duhet pasur parasysh kriza aktuale ekonomike në vend.

“U theksua se në katër vitet e fundit, pagat e punonjësve të universiteteve janë rritur me gjithsej 20%, pra 5% nga shtatori 2019, 8% nga shtatori 2021 dhe 7% nga shtatori i këtij viti. Gjithashtu nga kryeministri dhe ministrat u theksua se do të bëhen analiza dhe përllogaritje të detajuara për vazhdimin e rritjes së pagave në arsimin e lartë në vitin e ardhshëm, por nga Sindikata u kërkua edhe riorganizimi i fakulteteve dhe prezantimi i ri atraktiv, programet e studimit, të cilat do të rrisin të ardhurat vetanake të institucioneve të arsimit të lartë”, thonë nga Qeveria.

Me këtë politikë të ndarjes së bursave, thotë Qeveria, studentët e suksesshëm do të inkurajohen të angazhohen në punë shkencore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat