Një tjetër ngjarje e rëndë është shënuar, këtë herë në Kamzë. Burime nga policia lokale thanë se mëngjesin djeshëm në banesën e tij është gjetur i vetëvarur një 44-vjeçar.
Burime nga Policia e Tiranës kanë bërë të ditur se në mëngjesin e djeshëm rreth orës 09:00 familjarët kanë gjetur të vetëvarur Kujtim D., 44 vjeç.
Sipas policisë ai i kishte dhënë fund jetës duke u vetëvarur në shkallët e banesës së tij. Uniformat blu kanë shkuar në vendin e ngjarjes dhe kanë nisur hetimet për të zbardhur shkaqet e kësaj ngjarje të rëndë.
