A e injoroi BDI ”deklaratën e përbashkët”? Përgjigjen nga Besa dhe LR-PDSH

Maqedonia

A e injoroi BDI ”deklaratën e përbashkët”? Përgjigjen nga Besa dhe LR-PDSH

Më: 13 janar 2017 Në ora: 12:16
Takimi historik i partive shqiptare për platformën, Maqedoni

Bashkimi Demokratik për Integrim dje ka mbajtur mbledhje të Kryesisë Qendrore ku kanë diskutuar për hapat që kjo parti do t’i marr për koalicionimet e mundshme. Nga kjo kryesi dolën disa pika për të cilat BDI do të kërkojë që të zbatohen nga partneri tjetër qeverisës, nga një prej partive LSDM apo OBRM-PDUKM.

Media ka biseduar me përfaqësues të Lëvizjes Besa dhe me përfaqësues të LR-PDSH-së për të diskutuar këto pika që u nxorrën nga mbledhja e fundit në BDI.

Faton Fazliu, Shef i Kabinetit të kryetarit të Lëvizjes Besa në pyetjen a ju ka lënë BDI në lloç me pikat që i miratuan mbrëmë, përgjigjet: ”Partitë shqiptare për pikat e deklaratës së përbashkët janë zotuar para shqiptarëve të Maqedonisë, dhe nëse BDI-ja heq dorë nga ato pika nuk lënë askënd në lloç përpos vetvetes.”
Në pyetjen ”Si do e arrini zbatimin e deklaratës që e nënshkruat duke pasur parasysh që BDI nxjerri pika të vetat?” Fazliu përgjigjet ”Ne jemi zotuar se do i mbështesim pikat që janë në atë deklaratë si dhe realizimin e platformës së Lëvizjes Besa, Ridefinimi. Nuk mund të komentojmë platforma të partive tjera.”

Nga ana tjetër, Arben Taravari thotë ”Qendrimi ynë prej para dy vjetësh ka qenë unifikimi i qëndrimeve të partive politike shqiptare në Maqedoni, dhe si ide këtë e imponuam dhe e njëjta u realizua. Tash për mëtutje në të gjitha ligjet e kësaj platforme të përbashkët do të përkrahim, pa marr parasysh cili kombinim numerik (politik) do të jetë në qeveri. Gjithashtu do të insistojmë si parti opozitare të imponojmë edhe realizimin e pikave tjera të platformës së partive politike shqiptarë. Përgjigjemi vetëm për konceptin politik të plotformës por jo edhe për pazaret politike që mund të bëhen gjatë koalicionimeve të mundshme për qeveri. Dhe, në fund përsëri insistojmë të drejtat kolektive shqiptare janë mbi partitë politike.” thotë Taravari nga LR-PDSH-ja.

Sot mund të lexoni Shfletoni kopertinat