Ja emrat e politikanëve shqiptarë që do t’i hetojë Prokuroria Speciale Publike

Maqedonia

Ja emrat e politikanëve shqiptarë që do t’i hetojë Prokuroria Speciale Publike

Më: 6 prill 2017 Në ora: 13:13
Prokuroria Speciale Publike

PSP-ja do të pranojë disa materiale për aktivitete kriminale të qeverisë Gruevski nga FBI, Agjencia e Sigurimit...

Prokurorja speciale Katica Janeva, para vetes do të përballet me sfidë serioze, pikërisht atë që e pret populli i Maqedonisë, por edhe faktori ndërkombëtar.

“OhridSky”, merr vesh se FBI-ja amerikane, BIA serbe (Agjencia e Sigurisë Informative), Janevës do t’i dorëzojnë materiale që kanë të bëjnë me aktivitetet kriminale të qeverisë së VMRO-DPMNE-së, ku si frontmenë kryesorë në të gjitha marrëveshjet e dyshimta, paraqitet Mile Janakievski së bashku me kumbarin e tij, i cili është një prej maqedonasve më të pasur me prejardhje nga f. Vërbjan – Debarcë, Ljupço Todorovski-Radnik, Martin Protugjer, Gordana Jankullovska, Orce Kamçev, Ali Ahmeti, Menduh Thaçi, Nikolla Todorov, Ivica Konevski, Ilija Kitanovski edhe 40 funksionarë lartë të ranguar partiakë të VMRO-DPMNE-së.

Në materialet ekskluzive që do t’i dorëzohen prokurores speciale Katica Janeva (e që nuk kanë qenë pjesë e ‘bombave’ të Zaevit), gjenden edhe video incizime nga më tepër ngjarje, siç janë “Monstra”, “Lagja e Trimave”, “Polikollor”, “Tetra sistem”, “shitja e artefakteve nëpërmjet postës diplomatike”, “larje e organizuar e parave nëpërmjet Maqedonisë në narko kartelat nëpërmjet Maqedonisë, në vlerë prej mbi 100 miliardë euro. Personat e lartpërmendur do të jenë “pacientët e parë” në përpunimin e Janevës.

Sipas burimit prokurorja speciale Katica Janeva dhe familja e saj, janë nën mbikëqyrje sigurimit të vazhdueshëm 24 orë nga forcat speciale të SHBA-ve, të cilët janë në gjendje në çdo kohë të intervenojnë në mbrojtje të saj, por trajtim të tillë do të ketë edhe ekipi i saj, që ajo do ta zgjedh. Është koha që krimi i organizuar në Maqedoni të pastrohet, i cili viteve të fundit është motor për shumë aktivitete kriminalistike në Europë dhe më gjerë, flet diplomat i lartë për siguri, për “OhridSky”.

Sot mund të lexoni Shfletoni kopertinat