(E plotësuar) - Presidenti i Maqedonisë, George Ivanov gjatë aktit të ndarjes së mandatit për formimin e qeverisë së re deklaroi se pengesat për ndarjen e mandatit janë mënjanuar dhe se tani duhet përmbushur obligimet kushtetuese.
“Pengesat për ndarjen e mandatit për formimin me qeverisë së re janë mënjanuar. Sot po i qasemi përmbushjes së nenit 84 alineja 1 nga Kushtetuta e Republikës së Maqedonisë për ndarjen e mandatit për formimin e Qeverisë së Republikës së Maqedonisë. Koalicioni i udhëhequr nga LSDM-ja e cila ka shumicën në Kuvendin e RM-së, ka propozuar zotin Zoran Zaev që të jetë kandidat të cilit do të ndahet mandati për formimin e Qeverisë së RM-së”, ka thënë Ivanov.
Dorëzimi i mandatit pason pasi që presidenti Ivanov mori njoftim nga kryetari i Kuvendit, Talat Xhaferi se është formuar shumica parlamentare.
Presidenti Ivanov paraprakisht refuzonte ta ndajë mandatin dhe kërkonte garanci për ruajtjen e unitaritetit të shtetit dhe respektim të Kushtetutës.
***
Presidenti i Republikës së Maqedonisë, George Ivanov të mërkurën ia ka dorëzuar mandatin për formimin e qeverisë liderit të LSDM-së, Zoran Zaev.
Dorëzimi i mandatit pason pasi që presidenti Ivanov mori njoftim nga kryetari i Kuvendit, Talat Xhaferi se është formuar shumica parlamentare.
Presidenti Ivanov paraprakisht refuzonte ta ndajë mandatin dhe kërkonte garanci për ruajtjen e unitaritetit të shtetit dhe respektim të Kushtetutës.
Zoran Zaev do të mandatohet nga Ivanov për të formuar qeverinë e re
Kabineti i kryetarit Gjorge Ivanov njofton se Presidenti Gjorge Ivanov do ta mandatojë sot në ora 12:00 liderin e LSDM-së, Zoran Zaev, për të formuar qeverinë e re të vendit.
Dorëzimi i mandatit vjen pasi që Ivanovi ka pranuar njoftimin për ekzistimin e shumicës parlamentare në përbërjen e re të Kuvendit të Maqedonisë. Më herët, Ivanovi refuzoi dhënien e mandatit me arsyetimin se rrezikohet unitariteti i shtetit dhe rendi kushtetues.
