Të akuzuarit e Grupit të Kumanovës kanë vendosur të bojkotojnë gjykimin.
Me reagime të shumta dhe me ton të lartë ndaj gjykatëses Verka Petrovska, pjesëtarët e Grupit të Kumanovës e ngritën në këmbë policinë në gjykatë, dhe më pas një nga një me urdhër të gjykatëses u larguan nga gjykata.
Vendet e tyre në gjykatë mbetën të zbrazura, kurse mbetën vetëm policia, mediumet dhe disa avokatë të cilët kërkuan pauzë që të konsultohen me klientët e tyre.
Bojkoti i procesit gjyqësor pasi që gjykatësja edhe njëherë njoftoi se janë refuzuar propozimet për ndryshimin e Këshillit Gjyqësor dhe prokurorëve.
Të akuzuarit thonë se nuk e njohin gjykatën dhe kërkuan që t’u pranohet kërkesa që si dëshmitarë të paraqiten Nikolla Gruevski, Ali Ahmeti, Artan Grubi, Sasho Mijallkov, Gordana Jankullovska dhe funksionarë tjerë.