Partia tashmë opozitare OBRM-PDUKM, në krye me Nikolla Gruevskin, ka reaguar ndaj LSDM-së përmes një kumtese, duke i thënë se LSDM, duhet të ndërpresë rolin e të qenurit opozitë dhe të fillojë të realizojë atë çfarë u ka premtuar qytetarëve.
‘Qytetarët e Republikës së Maqedonisë e ndjejnë dallimin. OBRM-PDUKM gjithçka që kishte premtuar, ka punuar ditë e natë për t’i përmbushur premtimet, me qëllim të arsyetojë zërin e popullit. Popoullit pret përmbushjen e premtimeve’, thuhet ndër të tjera në kumtesën e partisë, njofton AIM.
Nga atje shtojnë se të gjithë presin që LSDM të përmbushë edhe premtimin për hyrje të shpejtë në NATO dhe BE pa u prekur çështjet e identitetit dhe të bëhen marrëveshje të dëmit të popullit maqedonas.
