Qarkullimi në industri në muajin prill është ulur për 0.5%, krahasuar me prillin e vitit të kaluar.
Sipas të dhënave të Entit Shtetëror për Statistika (ESHS), ulje është regjistruar në tregun e brendshëm (7.3%), kurse rritje është regjistruar tregun e jashtëm (1.4%).
Rritje është regjistruar në sektorin e xeheroreve dhe gurthyeseve (24.7%), prodhime të ndërmjetme, përveç energjisë (11%).
Ulje është regjistruar në prodhimet kapitale (5.2%), prodhime afatgjata për përdorim të gjërë (3.2%), prodhime afatshkurtëra për përdorim të gjërë (7.4%).
Qarkullimi ka rënë edhe në aspekt mujor për 13.4%, nga muaji mars në muajin prill të këtij viti. Por ka rritje në periudhën janar-prill të këtij viti, krahasuar me vitin e kaluar.
