(E plotësuar) - Drejtoresha e re e Drejtorisë për të Ardhura Publike do të jetë, Sanja Lukarevska, ndërsa Agjencinë për Ushqim dhe Veterinari do ta udhëheq Zoran Atanasov.
Këtë vendim e solli Qeveria e Maqedonisë në seancën e djeshme.
Përkrah këtyre vendimeve, qeveria gjithashtu miratoi edhe informacionet për dëmet e shkaktuara në bujqësi nga moti i ligë më 14 qershor në rajonin e Tetovës, Shkupit, Velesi, Kumanovës dhe të tjera.
Në këtë seancë gjithashtu janë emëruar edhe anëtarët të cilët nga ana e qeverisë do të jenë pjesë e Këshillit ekonomiko-social.
Janë emëruar ministrja për punë dhe politikë sociale, Mila Carovska, ministri i Financave, Dragan Tevdovski, ministri i ekonomisë, Kreshnik Bekteshi dhe zv.kryeministri për çështje ekonomike, Koço Angjushev.
Drejtoria e të Ardhurave Publike me drejtor të ri
Sanja Lukarevska, e punësuar në Drejtorinë e të Ardhurave Publike ( UJP ) është emëruar sot nga qeveria si ushtrues detyre Drejtor në këtë institucion.
Ajo ka të mbaruar Fakultetin Juridik.
