Gjuha shqipe është mollë sherri në mes partive shqiptare dhe LSDM-së për vazhdimin e ”jetës” së Qeverisë edhe pas 100 ditëve.
TV21 siguroi “Udhërrëfyesit për Reforma Urgjente” që qeveria e miratoi para dy ditëve. Ligji për gjuhën shqipe është pjesë e këtij dokumenti, kurse afati për miratimin e ligjit është gushti i këtij viti.
Euro-komisari Johannes Hahn, ka pyetur partitë shqiptare për mundësinë që të prolongohet miratimi i ligjit, por liderët shqiptar kanë qenë kategorik, ligji për gjuhën shqipe të bëhet brenda 3 muajve.
Përndryshe, Arben Taravari nga LR-PDSH-ja në emisionin Fol Tash tha se nëse nuk bëhet ligji për gjuhën shqipe, partitë shqiptare dalin nga Qeveria e Maqedonisë.
