Shteti patjetër t’u jep mundësi personave me pengesa në zhvillim që të përfshihen në të gjitha proceset e jetës shoqërore. Në vend të premtimeve boshe nga qeveria dhe institucionet, disa OJQ kërkojnë masa konkrete për tejkalimin e stereotipeve dhe paragjykimeve për këta persona. Punëtoria e sotme u organizua nga Ambasada Britanike dhe Komiteti i Helsinkut.
“Shteti vite me radhë thotë se i mbështet personat me pengesa në zhvillim, por kjo është vetëm deklarativisht, por në praktikë nuk bëhet asgjë. As nuk është ndryshuar sistemi as nuk ka mbështetje për prindërit që tërësisht tu përkushtohen fëmijëve të tyre që ata të përfshihen në shoqëri. Ende ka raste ku persona me pengesa në zhvillim fare nuk dalin nga shtëpia, dhe kjo ndodh jo për shkak të infrastrukturës së dobët, por për shkak të paragjykimeve dhe stereotipeve që ne si shoqëri i kemi ndaj tyre”, tha Nela Çalovska, Dimovska , Komiteti i Helsingut. “Maqedonia është në rrugë të mbarë që t’i bëjë njerëzit me pengesa në zhvillim më të dukshëm dhe t’i pranojë në shoqëri. Këto njerëz duhet të jenë jashtë, të jenë në hapësirë publike që të duken nga institucionet dhe shoqëria, që edhe kjo kategori ta jep kontributin e
