Përkrahje për LGBTI-në, Ligj të ri për mbrojtje nga diskriminimi, dënim i fajtorëve për incidentet dhe sulmin mbi qendrën e LGBTI-së, premtoi mbrëmë kryeministri Zoran Zaev, në shënimin e pesëvjetorit të themelimit të Qendrës për përkrahjen e LGBTI-së.
Kjo është hera e parë në historinë e Maqedonisë që një kryeministër të marrë pjesë në kësi lloj ngjarje dhe të japë përkrahje të hapur për komunitetin LGBTI, shkruan Nova.
Kryeministri Zaev me këtë rast e bëri donacionin e parë për Shtëpinë e sigurt për mbrojtje dhe strehim të personave të cilëve u nevojitet ndihmë, kurse kanë mbetur pa punë ose pa shtëpi për shkak të orientimit seksual.
