Kryetari i Kuvendit të Maqedonisë, Talat Xhaferi, ka folur për miratimin e Ligjit të gjuhëve sot në Kuvend duke thënë se është me rëndësi të veçantë për shtetin e Maqedonisë.
“Përpjekjet e shumta janë përmbyllur me votimin e sotëm nga 69 deputetë të cilët votuan pro”.
Xhaferi gjatë një interviste në Info Magazine u shpreh se ky ligj i bën shqiptarët që të ndjehen të barabartë.
“Ky ligj ua mundëson shqiptarëve që të kenë komunikim në çdo nivel shtetëror”.
Sipas kryekuvendarit, nëse ligji nuk dekretohet nga kryetari i shtetit, Gjorgje Ivanov, parlamenti parasheh një procedurë shtesë për rikthim të projektligjit.
