Në Gjykatën Penale të Shkupit vazhdon seanca e radhës për rastin “Monstra”, që ka të bëjë me vrasjen e pesëfishtë në liqenin e Smilkovës, në Shkup, më 12 prill të vitit 2012.
Atëkohë u bënë arrestime të bujshme të disa shqiptarëve, gjashtë nga të cilët u dënuan me burg të përjetshëm, prej të cilëve dy janë në arrati.
Ndaj tyre rëndon akuza e terrorizmit. Procesi gjyqësor u kthye nga fillimi, pas dëshmive të reja të siguruara nga Prokuroria Speciale Publike (PSP), që dolën nga përgjimet e paligjshme.
