Dejan Mitrovski Urko, ish shefi i sigurimit të ish kryeministrit Nikolla Gruevski, sot duhet të paraqitet në Gjykatën penale në Shkup, si dëshmitarë i rastit ‘Tank’, që ka të bëjë me blerjen e makinës luksoze me vlerë prej 600 mijë euro. Ai do të jetë një nga tetë dëshmitarët e mbrojtjes që janë ftuar për të dëshmuar.
Ky rast ka të bëjë me keqpërdorimin e detyrës zyrtare dhe autorizimit nga ana e ish-ministres së Punëve të Brendshme, Gordana Jankullovska dhe shefit të furnizimeve publike Gjoko Poposki si dhe ish-kryeministri, Nikolla Gruevski, gjegjësisht për blerjen e Mercedesit luksoz me vlerë mbi gjysmë milionë euro, me çka i kanë shkaktuar dëm buxhetit shtetëror.
Ish-ministrja e Punëve të Brendshme, Gordana Jankullovska në këtë rast do të gjykohet veçmas për shkak shtatzënisë së rrezikshme.
