Gjykata Penale njofton se diskutimi kryesor për ngjarjet e 27 prillit që ndodhën vitin e kaluar në Kuvendin e Maqedonisë do të mbahet më 22 gusht.
“Për lëndën që lidhen me ngjarjet e 27 prillit të 2017 që ndodhën në Kuvend, diskutimi i parë kryesor është caktuar të mbahet më 22.08.2018 në orën 10:00”, thuhet në njoftimin e Gjykatës Penale.
Më tej në njoftim thuhet se janë caktuar edhe 37 termine për diskutime kryesore, për të akuzuarit për këto ngjarje të cilët tani ndodhen në arrest shtëpiak.