SHBA përshëndet vendimin e BE-së për nisjen e negociatave me Maqedoninë

Maqedonia

SHBA përshëndet vendimin e BE-së për nisjen e negociatave me Maqedoninë

Më: 29 qershor 2018 Në ora: 09:24
Ilustrim

Departamenti Amerikan i Shtetit (DASH) ka përshëndetur vendimin e Këshillit të BE-së që të propozojë plan për hapjen e negociatave me Maqedoninë dhe Shqipërinë në qershor të vitit 2019.

Në komunikatën e DASH për AIM, thuhet se plani i BE-së varet nga progresi i mëtejshëm në fusha të caktuara.

“Vendimi i Këshillit konfirmon hapat që dy vendet kanë bërë në zbatimin e reformave, për të arritur standardet e BE-së”, thonë nga DASH.

Ata më tej shtojnë se si mik dhe partner i Maqedonisë, SHBA-të do ta ndihmojnë Qeverinë për suksese dhe për integrim të vendit në organizatat euroatlantike.

SHBA gjithashtu ka përshëndetur marrëveshjen për emrin me Greqinë, duke shtuar se ky akt historik forcon sigurinë rajonale, prosperitetin dhe të ardhmen evropiane të të dy vendeve.

commentFirst article
Sot mund të lexoni Shfletoni kopertinat