Qeveria e Republikës së Maqedonisë në seancën e 82 të sotshme i rishqyrtoi informacionet për arritjen e marrëveshjes për dhënien e ndihmës financiare sipas Ligjit për përkrahje financiere të investimeve për më shumë se 100 kompani në Republikën e Maqedonisë, ku për herë të parë për këtë përkrahje financiare kanë mundur të aplikojnë edhe kompanitë e brendshme.
“Me marrëveshjet për dhënien e ndihmës financiere që janë miratuar në seancën e sotme në Qeveri përfundohet faza e parë, ku do të vijojnë fazat tjera ku kompanitë do të duhet të vërtetojnë realizimin e investimeve, dhe më pastaj do të bëhet pagesa e mjeteve të miratuara deri në fund të këtij viti”, thonë nga shërbimin për shtyp i Qeverisë.
Si vendim shtesë, Qeveria solli përfundimin se kompanitë që kanë marrë të drejtën për përkrahje financiare, duhet ta nënshkruajnë deklaratën për konfliktin e interesave si pjesë e dokumentacionit të përfshirë në marrëveshje.
