Kryetari i Republikë së Maqedonisë, Gjorge Ivanov do ta përfaqësoj Maqedoninë në Kuvendin e Përgjithshëm të Kombeve të Bashkuar në New York. Informacionin e konfirmojnë nga zyra e tij, duke sqaruar se pjesëmarrja e tij është rezultat i “sistemit të rotacionit”, sipas të cilës një vit shkon kryeministri një vit shkon kryetari i shtetit. Vitin e kaluar në New York ishte kryeministri Zoran Zaev.
Sipas informacioneve nga Ivanov, ai do mbaj fjalim para Kuvendit të Përgjithshëm më 27 shtator, gjegjësisht tri ditë para referendumit për marrëveshjen me Greqinë e cila do ta vendos të ardhmen e Maqedonisë.
Ky do të jetë fjalimi i fundit i Ivanov në Kombet e Bashkuara, i cili vitet e kaluara haptazi e mbronte emrin dhe identitetin e Maqedonisë, ose “sulmonte” drejtë BE-së dhe SHBA-së, me çka kjo jep mundësi që nga foltorja më e lartë e Kombeve të Bashkuara të bëj fushatë kundër marrëveshjes për emrin me Greqinë, sepse e konsideron si antikushtetues.
Deri kur Ivanov do të qëndroj në SHBA dhe se a do të kthehet në vend që të votoj në referendum ose përsëri do ta shfrytëzoj qëndrimin në New York për ta bojkotuar referendumin, deri më tani nuk kemi informacione. Ajo çka dihet është se ka marrëveshje për takim me emigrantët dhe organizatat maqedonase atje të cilët bëjnë fushatë kundër marrëveshjes me Greqinë dhe referendumit.
